قيادة السيارات : السيارة المانيوال

الدرس الثانى :أساسيات قيادة السيارات المانيوال

أساسيات قيادة السيارات المانيوال

في البداية نعرض شرحا تفصيليا كتابيا لتعليم القيادة من الالف الي الياء ومن البداية الي النهاية حيث ساسرد عليكم كيفية قيادة السيارات المانيوال بخطوات بسيطة ثم ساوضح لكم ما كتبتة بالصور للتأكيد ثم بعد ذلك ساعرض عليكم فيديو بأشرح فيه تفصيليا أساسيات قيادة السيارات المانيوال وبإذن الله سيأخذك فيديو أساسيات قيادة السيارات المانيوال الي الاحتراف في القيادة من بداية وضع مفتاح السيارة في الكونتاكت الي النهاية.

اولا قبل وضع المفتاح في الكونتاكت وتشغيل السيارة المانيوال لابد ان تري اولا هل السيارة معشقة علي تغيير (غيار) سواء اول او تاني او تالت ام لا ؟

فلابد ان تكون السيارة المانيوال علي التموير(المور) .

ولو كانت السيارة المانيوال واخدة غيار لازم قبل التشغيل ( التدوير) تدوس دبرياج وتغير الغيار للمور وبعدين تدور السيارة وانت واضع رجلك علي الدبرياج ما تشيلها خالص ثم سنه بنزين (مقدار ضغط بيسط على البنزين) برجلك اليمين علي البنزين حاجة بسيطة ودة طبعا بعد ما تكون غيرت للغيار الاول يعني دولقتي العربية علي الاول وانت رجلك علي البنزين خفيف ورجلك الشمال علي الدبرياج .. أرفع رجلك من علي الدبرياج ببط وبتدريج حتي تتحرك العربية المانيوال إتحركت العربية المانيوال ثبت رجلك على الدبرياج ثم شيل رجلك تدريجى من علي الدبرياج وتزود بنزين لحد العربية ما توصل علي مثلا 20 او 30 علي امبير السرعة تبدا بقي تنقل النقل التاني حتى تصل سرعة الامبير الي 40 او 50 ثم تنقل الثالث وأنت على الثالث سمعت صوت موتور السيارة المانيوال بيعلى (بيرتفع صوتة) أنقل للغيار الرابع وهكذا حتى تصل لأخر غيار بعربيتك المانيوال.

ملحوظة عند النقل لابد ان تدوس دبرياج قبل النقل " يعني في حركة النقل وانت بتنقل الفتيس سواء علي الاول او التاني او الثالت او اي غيار لازم تكون دايس دبرياج .

وهذا بكل بساطة أساسيات قيادة السيارات المانيوال وسنتكلم بالتفصيل فى الفيديو المرفق عن كل ما يخص قيادة السيارات المانيوال.وسأرفق صور لتعلم قيادة السيارات المانيوال لتساعدك على فهم وإستيعاب كل ما يخص قيادة السيارات المانيوال .مع تحياتى لكم بالتوفيق.